Amakuru

NEW DELHI, 22 Kamena (Xinhua) - Ibitangazamakuru byinshi byo mu gihugu cy’Ubuhinde byatangaje ko inkingo za Bharat Biotech Covaxin zagaragaje ko zifite akamaro ka 77.8% mu igeragezwa ry’icyiciro cya gatatu.

Raporo ivuga ko “Covaxin ya Bharat Biotech ifite imikorere myiza ku kigero cya 77.8% mu kurinda COVID-19, nk’uko imibare y’igerageza ryakozwe ku bantu 25.800 mu Buhinde ibivuga.”

Igipimo cy’imikorere cyatangajwe kuwa kabiri nyuma y’uko komite y’inzobere mu by’imiti (SEC) y’ishami rishinzwe kugenzura imiti mu Buhinde (DCGI) iteranye ikaganira ku byavuye mu bushakashatsi.

Isosiyete ikora imiti yari yashyikirije DCGI amakuru y’igerageza ry’urukingo mu mpera z’icyumweru gishize.

Raporo zavuze ko iyi kompanyi biteganijwe ko izagirana inama yo "kubanza gutanga amakuru" n'inzego z'Umuryango w'Abibumbye wita ku Buzima ku wa Gatatu, kugira ngo baganire ku mabwiriza yo gutanga amakuru n'inyandiko bikenewe.

U Buhinde bwatangiye gukingira COVID-19 ku bwinshi ku ya 16 Mutarama butanga inkingo ebyiri zakorewe mu Buhinde, ari zo Covishield na Covaxin.

Ikigo cya Serum mu Buhinde (SII) kirimo gukora Covishield ya Kaminuza ya AstraZeneca-Oxford, mu gihe Bharat Biotech yafatanyije n'Inama y'Ubushakashatsi ku Buvuzi mu Buhinde (ICMR) mu gukora Covaxin.

Urukingo rwa Sputnik V rwakorewe mu Burusiya narwo rwashyizwe ahagaragara mu gihugu.